نان و توت

چال دیدی :

ــ درس سینگ نی  اوقی .

و باله اوقیدی :

ــ بوبه نان بیردی ،  بوبه توت بیردی .

چال دیدی :

ــ ییرگه بیتی .

و باله چوب گینه بیلن ییر نینگ  اوستیگه بیتدی :

ــ بوبه نان بیردی ، بوبه توت بیردی .

چال دیدی :

ــ کوک گه باز .

و باله برماق گینه سی بیلن هوا نی یوزیگه یازدی :

ــ بوبه نان بیردی ، بوبه توت بیردی .

چال ایتدی :

ایندی یخشی بولدی ، انیدی آل توت یه .

و باله بیقمیش توت نینگ  تمانیگه  که یاغاچ نی آستیده  توپراق نی اوستیگه توشیب یاتبیدی قره یب دیدی :

ــ قنچه توت ییی .

قیشلاق سیس سیز ایدی . قیشلاق  جم جیریم و قویاش کیسکین ایکن . قیشلاق قوروق و بوش کوزگه کورینیدی . قویاش یاندوروچی ایدی . قیشلاق یانیدی . قیشلاق نی  رنگی اوچیب کیتیب و سیس سیز و بوغزی قورویب و داد اوریب دییدی :

ــ وای ، سوو! وای ، سوو!

و جان بیریدی . یوره گیدن  یاغمورنینگ سیسی کیتمس ایدی .

قیشلاق سیس سیز ایدی . چال ده سیس  سیز ایدی . قولیگه بیر اوزون  تایاق بارایدی . یاغاچ نینگ یاله لری نی قاقیدی . چال توت قاقیدی . و باله حالی گه چه ، ییر نی اوستیده ، یاغاچ نینگ سایه سیگه یازیدی .

ــ بوبه نان بیردی ، بوبه توت بیردی .

و باله ده ،  دم مه خود ایدی . چال بیلیدی که قیشلاق نیگه دم مه خود ایدی . او بیلیدی که حتی قوش لر ده بو ییر دن اوچیب کیتیب دیلر.

قیشلاق اوزگون و توتولگن ایدی. یاغاچ لر توپراق اورگن و الم لی ایدی لر. یپرآق لر چنگ و توپراق لی ایکن لر. شوسان که ، تناون  پارتنه ـ  بوران ( طوفان ـ خاکباد) ایکن. تناون قوم پارتنه سی ایکن.

چال نینگ ایسیگه آنه سی و باله لیکی کیلدی . عینی  شو باله کبی . هر چاغ که یازلر پارتنه بولسه ایکن ، بوران بولردی ، و آنه سی دییدی :

ــ سوو کیله دی ، سوو کیله دی ،ا ریق لر و دریا لرگه سوو کیله دی .

و نیچه کوندن سونگره قوروگن اریق لرگه ینگی دن سوو کیلیدی . انچیق ، بو ییل لرده  بو سوز لر  یررسیز و انگلم سیز ایدی. پارتنه ، پارتنه ، بوران ، بوران ، انچیق سوودن خیر یاغیدی . چال بیلیدی که اریق لر سووسیز لیک دن اولوبیدیلر، و دریا ایسه  اوز آتی نی اونوتبیدی . و چال بیلیدی که نیگه قیشلاقی دن خیر و برکت اوچیب کیتبیدی .

قیشلاق ماتم ایچیده ایکن . یاله لر ده قیشلاق کبی ماتم و اعزا ایچیده باش لر ایگیلیب و تشویش قیلررایکن. سووسیز لیک و ایسیق دن یغلایش لری کوک گه ایشیتگن ایکن. ایسیق هوا یاله لرنینگ تامری نی سوودن ، نم و رطوبت دن بوشه ل تیریدی .  ایسیق هوا یاغمور نینگ ایسی نی یاله لرنینگ  خاطره سیدن یوییدی . پارته له دن سونگره سیس سیز لیک ، پارته له دن ایلگری سیس سیز لیک ایدی .

چال بیلیدی که بیر پارته له ایلگری ده بار . بیر پارته له  بیر آنه نینگ قارینی ده . چال نینگ ایسیده   حلیمه تیلبه( دیوانه، جندی ) توشدی . اوشه تیلبه  که بوغاز بولگن ایدی . آنه تیلبه ایدی .

تیل سیز ایکن و بیر چاقالاق قارینی ده  تاپیلگن ایکن. چال بیلیدی .

و باله دینادن خبر سیز یازیدی :

ــ بوبه نان بیردی ، بوبه توت بیردی .

ایسیق لیک اولدوروچی ایکن . کوچه نینگ هر یانیگه کوچیک لر هلتس اورویب  چاپیدیلر . بیر قریش  تیل  لری آغیزلری دن چیقگن . سلقین ییر و  سایه اختریدیلر. نم لی توپراق اختریدیلر. کوپریک نینگ  سی  آریدیلر. هر یانگه  قورقویب قاچیدیلر. چال ، قوروگن  قودوق نینگ چغیر(چرخ) نی  قرقرسیسی نی که قیشلاق نینگ ایسیق لیک سیسی نی سیندیرسه ایدی ، سیندیرالمس لیگی نی ایشیتیدی.  سیسی قیتیب کیلمی ایدی . قرقر، قرقر، قرقر جانسیز و سیس سیزایدی . چغیر نینگ سیسی قوروق ایدی .

بیر گمپیر و یا بیر چال نی قول لری هاریگن لیک بیلن   قودوق نینگ ارغمچی سی نی تارتیدیلر. حال سیز لیک و جان سیزلیک بیلن. چال بیلیدی که ایسیق لیک و سووسیزلیک هرکیم نی کوچ و حوصله سینی آلبیدی .

چال ،  اویلیدی که قیشلاق آدم لری بیرله ، هرنرسه لری اونینگ کبی  یاش لنیب ، حالسیز و جانسیز بولبیدیلر. آیاقیم گور نینگ یانیده ، مندان سونگره  کوپ یاش کورسم بیر نیچه کون ، بو یاز دن تیریک چیقمه یه جک سم ،  سونگره باله یلغوز قاله دی  حلیمه  تیلبه یلغوز قاله دی . اولرگه ، کیم نان بیره دی ، اولرگه کیم توت بیره دی؟ دیب اویلیدی .

و باله ینه یازارایدی :

ــ بوبه نان بیردی ، بوبه سوو بیردی .

و باله قه ییردن بیلسن ایدی که یلغوز قاله دی . نیمه بیلرایدی که چال نی آیاغی گور نینگ یانیگه ایشیتبیدی . باله دنیا دن خبر سیز ایدی . بوبه کوک گه  باقدی . اوزاق لرده ، او لای لی  گمبیز لر  و کیچیک کیچیک قشلاق نینگ اوی لر نی تمانیده ، او تمانده  یاغاچ لرتوپراق اورگن ، چنگ و بوران هوا گه کوته ریلیب کیتبیدی . بیر ایلان و بیر بوگه (اژدها، نیک ایلان) کبی ایله نیب  ایله نیب و یوقاری کیتیدیلر ، و بوبه اوزی بیلن دییدی :

ــ جن لرنی تویی ، میدان نینگ شغالیک تاپیبدیلر.

قرقر...قرقر، اوشه ایسکی قودوق ، چقورقودوق ، ایچیده که قره سنگ  باش ینگ ایله نیدی .

کوزله رینگ قرانغی لیک قیلیدی . هرقنچه که ارقمچی  تارت سنگ، دول چه دن خبر یاق و سون که دول چه کیلسه ایدی لای دن توله ایدی و بیر آز ده لایقه سوو چیقیدی که بوبه بیلیدی که سوو سیز لیک قندای بیر قینچیلیک دیر، سووسیز لیک . قنچه قیین دیر ، سووسیز لیک و نیمه اوچون جن لر اوینیدیلرو میدان نینگ بوش و شغال لیک تاپیب دیلر.

                                                      * * *

بوبه،  اوزون بیرتیاق بیرله یاله گه اوردی . توت لر تپ تپ ییر گه توشدیلر. بوبه نینگ  یوره گی  قووانچ دن تولیدی . توت لرپیشیخ و سوولی و شیر توت ایدی . سن که ، بوبه نینگ یوره گی اونگه کیتبیدی . آغیزی نینگ سووی  آقیب  و اشتهاسی آچیلیدی . انده ـ سنده بیران یولچی مسجدنینگ یانی ده کی کوچه دن کیچیدی .

بیر یولچی بیر اولمه لی ایشک گه مینیب و ایشک ایسه  اوخلیب یول گه کیتیدی ، یولچی بولسه  ایکله ایاغی  بیلن ایشک نی  ایکی قارن تمانیگه و چیقان قبرغه لریگه اوریدی . ایشک گه مینگن یولچی ایشک نی بونینی یاغر ه تیب و هران اوشه تایاق  چه سی بیلن که اوچی گه میخ قاقیلگن ایدی ، ایشک نی یاره لیک بوینیگه باتیریدی . اگر میخ بولمه سه ایدی ایشک نی اولدیرسنگیز ده  ییری دن قیمیرده مس ایدی . برچه ایسیق دن یانیب و سووسیب بیر گینه یاغاچ نی آستیده ایدیلر ،  چال توت قاقیدی و توت لر تپ تپ تره پیلب توپراق نینگ اوستیگه توشیب و بوبه نی قیغواورگن یوره گی قووانچدن تاولیب و تاشیردی . باله باش نی ییرگه ایگیب یازاردی :

ــ بوبه نان بیردی ، بوبه سوو بیردی .

بوبه ، اونگه اورگیتبیدی . بوبه، مندن کوپراق بیلمس ایدی . التمیش نیچه یاشیده شونچه گینه نی اورگن بیدی و اونی ده باله گه اورکیتبیدی .

باله ، یتی یاشیگه ایدی . چال التمیش نیچه یشیر، بلکه یتمیش یشیر ایدی ، ییل و آی نینگ حسابی نی ییترگن ایکن . باری یاغی شونی بیلیدی که ایاغی گورنی یانیده ایشیتیبتدی . باله ایاق آچیق ایدی . باشیگه کلاه باریدی . کلاه سی قولاغی نی اوستیگه توشیب و باشی گه کتته ایدی . ایاق لری قپ ـ قرا، یاریق و کیرلی ایدی . کویلکی بویی دن اوزون ، سن که آته سی نینگ کویلکی نی کیگن بولسه ایدی ، و آنه سی نینگ ایشتانی قیزیلمتیل رنگی باریدی ، آچیق قیزیلمتیل .  کویلک لری ایسکی و یرتیق ، تیر و توت سوویدن  قاتیب کیتگن ایدی . رنگ رنگ یماغی بارایدی . یماغ لر قیزیل،

یشیل، قرا و کوک رنکلی ایکن لر. بیرق  کبی ، بیرق نینگ لطه لری کبی ، کویلکی نی رنگی بوز رنگی  ایدی . یماغلر ده رنگ لری نی قولدن بیربیدیلر. آچیق قیزیل . آچیق یشیل . آچیق قرا.آچیق کوک. و ایشتانی ده قیزیلمتیل ایکن . آچیق قیزیلمتیل . باله نینگ تیر و سیدیک ایسی کویلک ـ ایشتانی نینگ عطر ایسی ایدی . باله توت نینگ دانه لری نی ییردن آلیدی ، و اونی  پف  پف لب و آغیزی گه آتیب و ییر یوزی گه ایگیب و یازدی :

ــ بوبه نان بیردی ، بوبه توت بیردی . و سونگره یازدیگی نرسه نی اوقیدی :

ــ بی الف با، بی الف با، بابا، نون الف نا، نون، نان...

و بوبه دیدی :

ــ آل که توت یی که قاری نینگ تویسین.

باله یازیب ، ییرردی . بیر بولک نان و نیچیته توت ، بیر کیچیک بولک نان  آلیب  و قاگنی نینگ   کیسه سیگه قویب و سونگره بیر نیچیته توت آغیزی گه تاشلیب و لونجیی اوروب چینیب و ینه یازیدی.

بوبه توت قاقیدی . باله  گه باقتی . و دیدی :

ــ نان یمه ، توت یه.  نان نینگ نی آقشام ده  ساخله .

و باله ینه یازدی :

ــ بوبه نان بیردی ، بوبه توت بیردی .

                                                   * * * * *

توت نان بیلن ، نان توت بیلن باله گه بیر گوزه ل تات بیریدی . بوبه هاریلیب ، و تیر ایچیده ایدی . یوزی نینگ تیری نی قورویب کیتگن و کیرلی یته گی بیلن آریتی . باله  بوبه نی باتیب کیتگن و بورولمیش قارینی کوردی .  باشقه یانده باشی نی  ایله لن  تیردی . بوبه  نینگ  قارینی نی کورمه سیدن اوتندی . و باله یوره گی ده  دیدی :

ــ بوبه نی نانی یوق .

بوبه آچ ایدی . توت لرنینگ  ییر یوزیدن آلیدی ، پف  پف لب  ییررایدی ، انچیق ، توپراق  توت لرنینگ جانیده لای بولبیدیلر. لای لر توت لرگه یاپیشگن ایدیلر و بوبه یوره گی ده دیدی :

ــ آت آغیزینگه توپراق و موپراق نینگ آرقسیدن یورومه .

بوبه توت نینگ دانه سی نی پف پف لب  وباله گه قره یب دیدی :

یی که قنچه شیره لی و تات لی دیر.

و یوره گی ده  دیدی :

ــ کاشکی  نان ده بولسه ایدی ، توت نان بیلن  و نان توت بیلن  کوپ تات لی دیر.

و توت نینگ دانه لری نی تیش ایت لری بیلن قسیدی . نیچه تامله تاتلی سوو ، یشم سووی کبی تاماغیگه باتیب کیتی دیلر . باله یازماق دن قول تارتبیدی . ایکله لری توت ییدیلر، باله بیر بولک  نانی نی کیسه سیگه سالبیدی . باله بوبه دن توت ییش نینگ اورگن بیدی . توت لر نینگ دانه لری نی آلیدی ، پف پف لب ، اگر توپراق و لای لری کیتمه سه لر ، او چاغ ایسه  یتکی بیلن لای و توپراغینی آرتیب و سونگره آغیزیگه  تش لرایدی   . یاغاچ نینگ بیر نیچه تامله شربتی تاماغیدن آشاگه ینیرایدیلر.

بوبه بیلیدی که توت نان بیلن ، نان توت بیلن  لذت لی دیر. بوبه نینگ نانی یاغیدی . باله نینگ نانی بارایدی . نانی نی کیسه سیگه قویبیدی . بوبه ینه باشله دی . بوبه اوزون تایاغی نینگ آلیب توت توله و یوکسک یاله لردن یاغاچ  نینگ توتی نی قیمیرده  تیدی . توت لر تپ تپ ییرگه توشیدی و باله ینگی توشگن توت لرگه باقریرایدی . بوبه نینگ یوزی کوک گه ایدی و باله دن سوره دی :

ــ نیچه قاله یازدینگ؟

باله دیدی :

ــ یگیرمه قاله.

و یوره گی ده  دیدی :

ــ توت نان سیز، هیچ ته تات بیرمیدی .

بوبه نینگ بویی  کوپ یوکسک یاله لرگه قره گنی اوچون قاتیب قالبیدی ، آغری یر ایدی .

یاش لی کوزلری یاله لرنینگ آختیردی که تایاقی اوییرگه چه  ایشیتسه ایدی . بوبه دیدی :

ــ هي ، بری کل الله .

بوبه، قووانیدی که بیر بویوک ایش قیلیبتدی . قولاغ سالیتگان باله تیز اورگنبتدی . باله ده قووانیدی ، بویه نینگ قووانگنی اوچون . باله ده سیزیدی  که بویوک بیر ایش قیلبیدی ده و بری کل الله ایشیتیبتدی . بوبه ، شفقت لی ایکن. بوبه ، هرنرسه که ایتسه قبول قیله من. و بوبه  نی بورولمیش و کیرلی قارینی کوزی نی آلدیگه کیلدی .

قیشلاق بیلیدی . مسجد ده بیلیدی و مسجد نینگ بیرته توت یاغاچی ده بیلیدی که بوبه یلغوز قالیبتدی و بو قیشلاق ، شومسجد و شو یاغاچ ... بوبه، که یاله له نینگ قاقیدی قووانیدی . یخشی ایکن شو یاغاچ قوروگنی یاغه کن. ای یاغاچ ، یخشی دیر که سین بارسن ، اگر بولمه سنگ ایکن ، بیز نیمه قیلیدیک؟ نی نان ، نی سوو ، ای یاغاچ ، ای مسجد ، یگیرمه ییل کیچتی ، مین و سیز لر یولداش بیز.  اولدیک سووسیزلیک دن ، اولدیک نان سیز لیک دن ، اولدیک اوروش و غیرت و همت دن ، اولدیک غیرت سیز و همت سیز لیک دن و هلی گه چه مسجد بوش دیر،  سین ده یاغاچ بیله سن.

باله دینا دن خبرسیز ایدی . چنگ و بوران دن ، جن لرنینگ اوینیدن  باله خبرسیز ایدی که میدان بوش و شغال لیک ایکن.

                                              * * * * *

بیر سیس اوزاق دن کیلدی . باله سیس گه قولاغ بیری دی . بیر عیال نینگ بغیرمه سیسی ایکن ، بوبه ،  قاش و پیشانه سی نی چتمه دی . توت قاقیدی . تیاقی یوکسک یاله لرگه ایشیتمس ایدی.

بوبه ، بییلدی که سیس ، کیم نی سیسی ایدی . باله سیس نینگ ییری گه کیتیرال مه دی . بو سیس باله نینگ کیچکینه گینه یوره گ چه سیگه بیر قورقی و  تیل سیز لیک آتدی . یوره گی نی قلتیرله تدی . بیر قورقو و بیر اضطراب کبی ، بلکه باله بیلمه دی بیر عادی سیس  نینگ حس قیلگن ایکن ، سیس قولاغیگه  تانیش ایدی . ینه ده  ییری گه کیتیرال مه دی . بو یان و او یان ده  باقتی . اویان ده  مسجد نینگ یقلگن و رنگ و روخی کیتگن دیواری ، یاپراق لر و توپراق لی یرم جان لیک  یاغاچ لرکورینیدیلر.

بیر عیال نینگ  داد اورویب یغلایشی قیشلاق نینگ یرم جان لیک نی  سست له تیب  ایسترایدی که سیس سیز لیکی نی بوزسه ایدی . عیال بیرنرسه سوزله مس ایدی . بغیریب و اینلرایدی . یلغوز بیر بغیری  و بیرنیچه اینلر سیسی  چیقاردی . بوبه نی یوره گی نی بولک بولک قیلیدی . بوبه نی باشقه  یوره گی یرتیلماق اوچون یاغیدی . هرقنچه که یوره گی بولسه ایدی قول دن کیتبیدی . بو سیس دایما بوبه نینگ یوره گی نی قیمیرتیررایدی . بیر خاطره و بیر وحشت لی تویش  یوره گی گه زهر تشلر  ایدی . بوبه ، هرچاغ اوشبو خاطره ، اوشبو رویا دن و بو زهردن قاچیب و قولاغینی سیغیرلیک گه اوریدی . بوبه ایسترایدی که اوزی نی الده ت سه  ایدی . بوبه دیدی :

ــ یوق هیچ بیرگپ یوق . نی مین کوردیم و نی  ایشیتیم . بیر رویا ایکن کیتی و توگن دی .

باله خاتین نی سیسی دن قورقگنی  یاغیدی . ماراق لی (کنجکاولیک) سوره دی :

ــ بوبه ، نیمه نی سیسی دی؟

هرچاغ ، حتی اوشه چاغلر بیلدیگی که بو کیم نی سیسی و نیمه دیر، ینه ده بوبه دن سوره یر ایدی . بیر آلیشگن لیک کبی . بوبه اوچون عادی ایدی . بیر خاطره ، بیر وحشت لی رویا ایدی که بیر کیچه ـ کوندوز ده  یوزلرچه قاله عقلیگه حمله ایتردی .  یوره گی یرتیماق اوچون یاغیدی . بوبه، آز یارقین لیک کوزی بیلن بیر توت لی یاله اخته ریدی . کوتله رایدی که ایندی باله سوره یدی که بوسیس نیمه دی . عیال نینگ بغیری و اینلرسیسی سیکین سیکین قیشلاق نینگ سیس سیز لیکیده اوچیب و یوتولیب کیتیدی . سیس آزحلدی . باتی ، یوق بولدی . بوبه سیکین بیر سیس بیلن ایتدی :

ــ  «المه» جیندی دیر، ینه المه جیندی...

سن که ، باله ایلگری دن بیلیدی  ، بیر نرسه دیمه دی . توت نینگ دانه سی نی آغیزیگه تشله دی .

حلیمه تیلبه اولرگه  یات (بیگانه) ایمس ایدی . اوزلری دن ایدی . بوبه دن ایدی که قیغوسی نینگ ییررایدی . باله بیر کون بوبه دن سوره بیدی :

ــ بوبه ،  المه نیمه گه تیلبه بولیبتی ؟

و بوبه ایتبیدی :

ــ تینگری تعاله تیلبه ایله لیبتدی .

و باله سوره بیدی :

ــ نیمه اوچون اونی ، تیلبه ایله لبتیدی ؟

و بوبه نینگ بیر جوابی یاغه گن و ایتبه گن:

ــ تینگری اوزی بیله دی . اونینگ ایشی بیلن ایش ینگ بولمه سین ، غضبی گه توتوله سین .

و باله سوره بیدی :

ــ غضبی نیمه دیر؟

و بوبه دیبیدی :

ــ تینگری  قیزه دی . تینگری که  قیزدیمی ، قل لری نی باشیگه  مینگ بلا  و آفت کیتیره دی .

و باله قورقبیدی  و باشقه ذهنی ده  کیچکینه گینه سوراق لر اولدیریلبیدی .

حلیمه ، کوچه لرگه تیلبه تیلبه یورویر ایدی . بیر اوزون کویلک کیدیربدیلر. کویلک ایاغی نینگ بالدیر(ساق)غه سی  چه گه  ایدی . حلیمه ایشتان کیمیدی . حلیمه ، ساچ لری نی اوزیدی .  هر دایم باشی نینگ ساچی قیچی قیلینگن و یا که ساچی آلینگن ایدی . حلیمه ، تیل سیز و یا ساغیر ایدی .

کیچه ـ کوندوز بو کوچه دن او کوچه گه ایدی . هرچاغ  اوینچی کیشی کبی اوینیب ،قیمیردیب و یورویش گه ایدی . تنی   قیمیرلردی ، باشی و یرم بویی نی یوقاری و آشا ایتردی . قول لری نینگ ایکی اوزون قوروق تیاق کبی کوک ده  قالدیریب  و ایله نتیرری ایدی   و ساغیر تیلی بیرله بیر آنگلیم سیز نرسه لر دییدی و آت لرکبی گیشنرایدی .  هرچاغ قرارسیز و تینچ ایمس ایدی . اگر بیر ان ده تینچ تورسه ایدی ، سن که ، اونی  بیر اولدوروچی آغری قینه یرایدی .

باله ، بوبه تمانیگه باقرایدی . بوبه اورونیب و توت قاقردی . باله سوره دی :

ــ بوبه ،  المه نیمه اوچون  کوچه گه چیقمیدی؟

بوبه تیرله بیدی . بوبه نی بوینی آغری یرایدی . قلتیرر ایدی . اوزوق ایچکی سقالی کبی  آق سقالی قلتیرر ایدی . ایسیق لیک بوبه نینگ نفسی نی باش گه یشیتتیربیدی . آخ بیر یاندن ایسیق هوا، بیریاندن توت لر یوکسک یاله لرگه ، و بیریاندن ده  باله نینگ سوال لری گه  جواب بیرسنگ ، بو قندای ایش ، ای باله جان ، نیمه اوچون  هرگپ گه  قریشسه سین؟

ــ ایندی  بالم  طالب کیلیبتدی . اولر قویمیدی لر که حلیمه جیندی اوی دن چیقسه . اوی دن چیقمه سین دیب اونی ارغمچی بیلن باغله دیک .

باله ییرده  اولتیدی . ایاق لری نینگ بیربیری نی اوستیگه تشلیب ، هاریگن و حالسیزایدی . طالب کیلدی ، جومیشی لر نیمه بولدیلر؟ بوبه .

« الله قل» و کلاشینکوفی ایسیگه کیلدی . الله قل دیبدی :

ــ مین ، جومیش من . یاشه سین جومیش .

و باله شو زمان لر الله قل نی کورگنی یاغیدی . باله الله قل نی میلتیغی اوچون یخشی کوریرایدی.

هر زمان ایستک و هوس ایترردی که بیر قاله کلاشینکوفی نی قولیگه آلسه ایدی . بیرکون الله قل  اونگه ایتبیدی :

ایستک ایتمه اوی ینگ  نی بوزیب و کویدیره دی.

و باله بیلرایدی که ایستکی یوز ییل ده  ده  یوره گی دن چیقمس ایدی .

باله اویلب و دیدی :

ــ بوبه ، نیمه اوچون اونی قویمیدیلرکه اوی دن چیقمه سه؟

بوبه برداشت بیرآلمه دی . اوف و آه تارتی . باله تمانیگه باقدی . اچیغی کیلبیدی . بوبه ایسترایدی که اچیغی کیلیب دیسه ایدی :

ــ سوسه سم می و یا شو تیاق چه بیلن باشینگه  اوریی؟

انچیق ، یوره گی باله گه کویدی .

اگر حلیمه اوی دن چیقسه ایدی ، اونی اولدیررایدی . سینی نیمه دنیادن خبرینگ بار؟

باله جان، قندای سین گه ایتیی ؟ قیلال می من هر گپ نی سینگه ایتسم.

قیسی سی نی ایتیی. هر کون آلیب کیته دیلرو اولدیره دیلر. یگیرمه ییل بوله دی که کیله دیلر، کیله دیلر آلیب  کیتیب اولدیره دیلر. ایندی بولرنینگ چاغی . ییرته بیری سی نی چاغی ... هرکیم کیلیب بیزنی اولدیره دیلر. شو حلیمه تیلبه بیرقرا بخت ایکن. ایندی شو حالی بیلن قارینیگه ده بیر نیچه آی لیک باله سی بار، سین گه نیمه دییی ، باله جان ، اونی شو تیلبه لیک حالیگه ده تینچ قویمیدیلر.

ظالم لر جیندی نی ده اوز حالی گه قویمیدیلر. مین نیمه بیله من کیم؟ قیسی ظالم و تینگری دن قورقمس...

بیلمی من کیم؟ جن لر، اجنه لر... ایندی ارغمچی لر نینگ اوزالمیدی ، بغیره دی . سین گه دیدیم که  تینگری نی  ایشیگه قریش مه، اوزی حساب لرینی یخشی راق بیله دی .

                                                  * * * * *

بوبه نینگ  اچیغی کیلیب بیر یاله نی تیاق بیرله اوردی . بیر قیسقه سیس شغ شغ لب یپرراق لردن و یاله لردن کوته ریلدی . توز و توپراق بوبه نینگ اوستیده توگیلدی. نیچیته توت ده توشدی . کوک ده  بیر بوران ، بیر توپراق لیک بولوت کبی بولبیدی .

ینه بیر دفعه بیر قوروق قودوق نینگ چیغری نی  قرقرسیسی  قیشلاق گه دییدی ؛ که ای  قیشلاق  ینه ده  سین تیریک سن .

چال نینگ باله لیک چاغی ده ایتی دیلر:

ــ اوشه چاغ که جن لر توی قیلیب و اوینه سه لر، شوندای بورون، توز و  چنگ لی شمال تاپیله دی .

باله چاپتی . بیر نیچته تازه  توت آلدی . بوبه نینگ  تایاغی ، بیر باشقه یاله نی اویقیدن تورخیز دی . توپراق لیک بولوت لرنینگ کوردیگی پیت ایسته دی که تایاغی بیلن اولرنینگ کوک نی یوزیدن هر اریتسه ایدی .

جن لر میدان نینگ بوش و شغال لیک تاپبیدیلر، اوی کویگیل لر. بوبه باشله دی که اوزی بیرله سوزلیشیب و ایندی ایسه باله نی سوراغ لری اوچون کوپراق فرصت بیرمه دی . بوبه قوشیق اوقودی:

ــ قیسی ظالم اوریب تی  قولاچی  سینیب تی... قیسی ظالم اوریب تی   قولاچی  سینیب تی .

بوبه   یاله گه باقیدی . باله  بوبه نینگ قوشیغی گه حیران بولدی .

باله ده دوداقی نینگ آستیده  میرایل له (زمزه) دی .

ــ قیسی ظالم اوریب تی   قولاچی  سینیب تی .

و یوره گی ده ایتدی :

ــ بوبه  تیلبه لبتدی ، ایندی اونی ده قویمی دیلر که اویی دن چیقسه ، اونی ده ارغمچی بیلن باغلیدیلر،  المه تیلبه  کبی .

بوبه  باشقه اوقومه دی . بوبه دیدی :

ــ ایندی چاغ بوزیلیبتدی ، بیر چاغ لرشو یاغاچ لر شونچه توت بیریدی که بیز توپله یلمس ایدیک . کوپ لیگیدن اینک لرگه بیریک دیک . ایندی تینگری نینگ یاغاچ لریگه ده برکت قالمیبتی، هرییردن  برکت اوچیبتی ، توبه نعوذبالله .

و باله بوبه گه باقیدی . یاله تمان لریگه باقیدی . باله بوبه نینگ قوشیق اوقیشیدن خوشی کیلبیدی .باله دیدی :

ــ ینه بیرقاله اوقو، بوبه .

بوبه که بیرتایاق بیلن بیر یاله نینگ آماچ گه آلبیدی ، کولدی :

ــ نیمه اوقیی ؟

باله ایتدی :

ــ اوشه قوشیق نی ، قیسی ظالم اوریب تی  قولاچی  سینیب تی .

بوبه دیدی :

ــ گم پال قیل ، اگر ایشیتسه لرکه  قوشیق اوقی بیز، بیزدی ده  درره لیدیلر.

بیرنیچه دقیقه ایکله لری سیس سیز ایدی . باله  اویلاوگه باتیب کیتبیدی . بلکه ده بیر ینگی گپ تاپیب و بوبه دن سوره سه ایدی . باله سوره دی :

ــ آتم نینگ باغی باریدیمی؟

بوبه کوردی که هرقنچه ایتسه ایدی ، ینه ده باله نینگ سوراق لری نینگ قزانی قینه ماق گه ایدی . بوبه کوریدی که باشقه چاره یوق . نیمه قیلالیدی . بوبه بیر توغری ایتسه ایدی ، مجبورایدی که  اوون یاغلان ایتسه ایدی . اگر اوون یاغلان ایتسه ایدی ، مجبور ایدی که بیر توغری ده ایتسه ایدی .

بوبه یوره گی ده تینگری سیگه یالوریدی . بوبه تینگری سی گه یالوریب دیدی :

ــ ای بویوک تینگریم ، سین اوزینگ مینی کیچیر .

باله جواب کوتلرایکن . آته سی نینگ باغی بارایکن . نیمه اوچون بولمه سین؟ بارایدی . بوبه دیدی :

ــ هین باله جان ، بارایدی ، بیر بویوک باغ .

باله بیکلرایدی که ینه ده حلیمه تیلبه نینگ سیسی کیلیدی می یا یوق ؟

سان له بیدی که ینه حلیمه جیندی نی سیسی بار. باله قولاغ سالدی . حلیمه نی سیسی ایمس ایکن .

خي ، بو ایشیتگن سیسی کیم نیکی ایکن ؟

باله یوره گیده ایتیدی :

ــ جن لر قوشیق اوقیدیلر .

و سونگره آته سیگه و باغیگه اویلب دیدی :

ــ کتته باغ ایدی می  ، آتم نی کتته باغی باری دیمی .

باله سوره دی :

ــ بوبه ، آتم نینگ باغیگه ده توت یاغاچی باریدی می ؟

و بوبه اوغلی نی ایسیگه کیتیردی . کوپ بارایدی . توت یاغاچی ، ایریک یاغاچی ، اوزوم آسمه لری ، هر ییل توت پیشگنچه برچه میز توت قاقگنی کیتیدیک ، کتته بوغچمه نینگ تورت چیگه سیدن توتیدیک ، بیر کیشی یاغاچ گه چیقیب و  توت قاقیدی . تولو کبی توت توکیلیدی . قوروتیدیک ، قینه تیب و اوندن شینی توزه تیدیک ، کوزه لرنینگ شینی دن تولدیریب و قیش گه سقلیدیک ، تلقان ده توزه تیدیک .

بوبه گه شو سوزلرنینگ ایتگن چاغی  ، اوزیگه مزه بیریدی . بوبه بیر آه تاردیب و دیدی :

ــ هی هی ، نیمه بیر چاغ ایدی .

و باله سوره ماق دن هاریلمس ایکن و ینه سوره دی :

ــ آتم نینگ باغی نیمه بولدی؟ ایندی بولسه...

چال اوز متل لری بیلن باله دن ایسترایدی که قاچسه ایدی . باله قوربیرمس ایدی . ینه باشله بیدی و بوبه سوال گه اوره لیب کیتبیدی . بوبه اوزی بیلن دیدی :

ــ بیراق بیران توغری سوز ده سویلیی .

و سویله دی :

ــ خلقی لر کیلدی ، آت تینگ نی باغی نی اویدیلر . ایتیلرکه مجاهد کوراش چی لری باغیزدن قورال اوقی آته دیلر. بلدوزر و تانک لر کیلدی. آت تینگ نی باغی نی ییر بیلن بیردی ایتی لر.  قول نی آووچی کبی بولدی . هین ، باله جان ، آت تینگ نی باغی ، مینیم باغیم ، آت تینگ نی باغی ایدی ، اورته دن کیتدی . برچه نرسه لر یوقه لیب کتیتدی . باله بوبه نی تمانیگه باقرایدی .

باله الله قل نینگ ایسیگه کیتیربیدی . الله قل نی کلاشینکوفی ایسیگه ایدی . باله اویله دی خلقلرلر ده  ده کلاشینکوفی بارایدی ، مجاهد نینگ ده کلاشینکوفی بارایدی . بیر بیرو لر بیلن اوروشیدیلر، و بیربیرلری نی اولدیری دیلر و بوبه  که بیر یاله نینگ قاقیدی ، نیچیته توپراق اورگن یپراق توشدی. بوبه اویله دی : هیچ کیم آت سیز و مهرسیز قالمه دی .

و باله الله قل نینگ کلاشینکوفی گه توشینیدی . الله قل قه ییرده کیتی؟ اگر بیر قاله  قیتیب کیلسه ، اونگه دییمن که کلاشینکوفی نی مین گه بیرسین که بیر قولیم گه آلیی، ایستیمن تا که کوزیم تویگینیچه باقیی .

ایندی الله قل یتگن ایکن.

باله سوره دی :

بوبه  الله قل قه ییرده ؟

بوبه حیران بولدی . بوبه بیلمه دی که الله قل نینگ  بوگپ لریبلن نیمه ایلیشکی سی باریدی .

ایندی یخشی بولدی . سطل آل و حوض نینگ تولدیر. قیشلاق  قه ییرده و یاغاچ لر قی ییرده .

اگر جواب بیرسنگ بیر بلا ، بیرمه سنگ مینگ بلا . جواب بیرمه سنگ قندای بولیگن؟

باله دیر. هلی گه چه باشی توغری راق ایش له میدی . یوق ، بو بیچاره گینه آنه سی نینگ  قارینیدن شوندای کوچ سیز توغیلگن ، اینجه مه سین . جواب نی بیر چال .

و بوبه دیدی :

ــ طالب که کیلدی ، جومیشی لر قاچتیلر. الله قل  ایلک مجاهد ایدی ، سونگره جومیش بولدی .

و باله بیر توت ینه آلدی . توت توپراق لی ایکن . باله الله قل گه توشیندی . الله قل قه ییرگه کیتگن بولسه ایکن ؟ الله قل کلاشینکوفی نی نیمه قیلگن بولسه ایکن؟ و آغیزیگه توت تی   تشله دی:

ــ بوبه،

و بوبه که بیر یاله نینگ کوز آستیده آلبیدی ، باله نینگ سیسی دن قلتیره دی . حوصله سیز بولبیدی . دیدی :

ــ ینه کله ینگه نیمه کیلدی؟ باله جان ، بیزنینگ جانی میزنی چیقاردینگ ، ایسیق هوا بیر یاندن و تیر بیر یاندن تیلبه قیلیبتیلر، سویله نیمه سوریی  سین؟

و باله سوره دی؟

ــ الله قل که قاچتی ، کلاشینکوفی نی نیمه قیلدی ؟

و بوبه بیر آه تارتیب و تایاقی نی ییرگه آتدی . بوبه ایگه نیب و بیرنیچیته توت آلدی ، پف لیب پف لیب و سوره دی :

ــ کلاشینکوفی نی می؟

توت نینگ دانه لری نی تیش ایت لری بیلن یه لیب  و دیدی :

ــ هی ، اوغلیم ، باشیم نی آغری تینگ . بلا الله قل گه و بلا کلاشینکوفی گه ، بیزنی  کلاشینکوف  دربدر قیلدی . تغین  یلتیب  ساتیبتی . بوبه آچ قاگن ایدی .ایگلنیب توت آلیب و پف پف لب ییررایدی . بوبه اوز باشیگه قولدن کیتگن باغی نی قصه سینی باشله دی :

هی هی ، نیمه کونلرایدیلر، ینه کیتیدیک ایریک قاقماق اوچون ، هر ایریک شو بویوک لیگده ، شو بویوک لیگده .

بوبه قولی نینگ اریک بویوک لیگیدی قیلیب و سوزی گه دوام بیردی :

ــ بوتون یاز میوه ییماق ایدی ، میوه تیرماق ایدی . هوا آلماق ایدی . نیمه یاغیدی که باغی میزگه بولمه سه ایدی . ایریک لرنینگ قوروتیدیک ، تام نینگ اوستیگه قوروسین دیب  ییره تیردیک .

دانه لری نی چیقاریدیک . قیزگینه لر اریک نینگ مغزی دن بویین مونچاقی توزه تیدیلر. دانه لرنینگ سوو و توزگه  یبیتی دیک که قبوقی (پوست) یخشی آچیل سین دیب . کیچه ــ کوندوز دانه چاقیدیک .

و باله اولتیربیدی . یان باش لری دن توت آلیب و ییررایدی . بوبه ده توت ییررایدی . باله راحت سیز ایدی . قول لری بیلن ایکی ـ اوچ قاله قارینی نی اوقه له دی . و باله ایتدی :

ــ بوبه ، قارینیم آغریدی .

                                          * * * * *

و ینه بیر قاله بیرقوروگن  قودوق نینگ چغیرنینگ قرقر سیسی اوزاق دن ایشیتیلدی . بیر هاریگن کیشی ایسیق توش چاغی سووسیزلیکدن و سووس قالماق دن  دولچه گینه سی نی قودوق گه تشله بیدی و دول چه گینه هرقنچه که لایقه سوو بولسه ایدی یوقاری گه چیقاربیدی . بوبه دیدی :

ــ  چیقیلمه گن تمیزسیز توت آدم نینگ قارای نی آغره ته دی . فرق قیلمیدی ، ساغله سن.

بیز بیر زمان لر توت نینگ ییر دن  آلمس ایدیک ، بوغچمه گه قاقرایدیک . مین بیرپیت لرتوت ساتیدیم .

کوزه لرنی توت دن تولدیریدیم، کنت گه آلیب باریدیم ، کوچه مه کوچه توت ساتیدیم و هر ییردن هیقیریدیم :

ــ توت کیتی یا ، توت کیتی یا .

مینگه اولوس قوروق نان ، کیپی و پول بیریدیلر . مین اولرگه کوزه لرتوله توت بیریدیم .

بوبه یاغاچ گه تینیب اولتیردی . کلاه سی نی آلین ( پیشانه) نی گه تارتیدی که کوزلری نینگ اوستیگه

  سایه توش سین دیب . بوبه چارچه بیدی . کوزلری نی یومبیدی ، و دیدی :

ــ ایندی کاشکی بیر حیران بولسه ایدی که ایچسگ ایدیک . بیرپیت اینکی میز بارایدی ، بیرته ، ایکی ته ایمس اوچ ته ایدی . آتتینگ باریدی ، آننینگ . هیچ کیم سوت و قایماق یمس ایدی . قوشنی لرگه کوزه لرتوله حیران بیری دی . تباغ لر توله قایماق و مسکه .  هین شوپیت قولاغیمگه حیرا ن اوروش نینگ سیسی کیله دی . خیالیم گه کیله دی که بی بی جانینگ برنده گه حیران دن مسکه ایرری دی . اینکی میز حویلی نینگ چیگه سی گه باوو ، باوولب مریلیدی .

بوبه اوریندی  که اینک کبی  مریله سه ایدی .  بیر ینگیل گینه تبسم بیر یات  نرسه کبی باله نینگ دوداغی گه کوریلدی  سن که،  بیلمس دن بیر کپالک کبی  باله نینگ قوروگن دودغی نینگ اوستیگه اولتیرگن بولسه ایدی و تیز اوچیب و کوز لرگه کورینمه دی . بوبه دیدی :

ــ بی بی جانینگه ایت که اینک لرنی ساغسین . ایمچیک لری آغری دی که مونچه مه ریلیدیلر . ییرته دن آقشام گه چه ایش لرایدیک هاریمس دیک . ایندی قری لیک چاغمیز بالم.

و باله بوبه نینگ تمانیگه باقدی . بوبه کوزلری نینگ یومبیدی . بوبه چارچه گن نی دمی نی آلیدی .

بیران پیت که اوتکن لری دن حکایه قیلسه ایدی ، قوونیدی . تویغو ایتردی که بو حکایه لر اونگه بیر ینگی جان بیریدی . باله یاغاچ گه باقدی . یاله لری گه باقیب و دیدی :

ــ بوبه مینی یاغاچ گه چیقار که توت قاقیی . بوبه دن حرکت یاغیدی . بوبه بیرآزدن دیدی :

ــ یوق، بالم . قیلمیسن . آت تینگ ده شو یاش لرگه ایدی ، بیرکون شوندای هوس قیلبیدی .

یاغاچ گه چیقدی . یقیلیب و ایاغی سیندی .

باله دراو سوره دی :

ــ بوبه ، سونگره  آتم گه نیمه بولدی ؟

بوبه ، سن که اویقیگه ایکن . کوزلری  و آغیزی  قبلگن  و دوداق لری نی قیمیرلتدی . بوبه دیدی :

ــ سونگره اونی سینیق باغلاوچی نینگ یانیگه آلیب باردیک. ایاقی نی باغلادی . نیچه وقت دن سونگره ایاغی ساغیلدی .

و باله حیران حیران بوبه نی تمانیگه قره دی و دیدی :

ــ خو ، باغی نینگ که تانک و بلدوزرلر بوزدیلر، ینه نیمه بولدی آتم؟

بوبه سوزی دن پشیمان بولدی . کاشکی اوشه فایده سیز هوسی دن سویلمه سه ایدی . بوبه نی چاره سی یاغیدی . اوتکن لردن ایسله سه ایکن ، اوزیگه یاقیدی . بوبه بیلرایدی که اوتکن حکایه لر باله گه یاقمس ایدی . باله اوز گپ لری نینگ آرقسیدن کیتیدی و بوبه ایسه اوتکن لری نینگ آرقسیدن ایدی .

بوبه مجبور ایدی که باله نی کونگلی و کوونی اوچون هر بیر متلی گه بیر سوزلرکیتیرسین که باله گه ده یاقسین ، آتتینگ ، آنینگ ... هی باله جان ، قیسی آته؟

بوبه یورگی ده اویله دی . و بوبه سوره دی:

ــ آتینگ ؟

و باله جواب کوتلردی ، بوبه تمانیگه باقرردی . سووس قالبیدی . قارینی  بغرغیدی  . باله دیدی :

 ـ ها ، آتم .

و بوبه اوخله بیدی .اویقیگه سوزله شیی دی . بوبه اویقیگه شوندای سوزله شیی دی :

ــ هی باله جان ، نیمه بولیدی . کیتیب و کلاشینکوف آلدی  ، اوروش ده کیتدی . توتیل دی . آلیب کیتیب قماق خانه گه حبس قیلدیلر، و اوشه ییردن یتیب و یوق بولدی . اولوگ تیریگی  نی کورمه دیک. ایتیلگنی قالدی که قالدی . اولر توی قیلگن لری یاغیدی . بیربیرلری گه فاتحه قیلینگن ایدیلر. او باشقه کیلمه دی .

و باله سوره دی :

ــ او چاغ مین قه ییرگه ایدیم؟

چال کولمه دی . اویقی کوزلریگه آغیرلیک قیلیدی . بوغزی ده کی توت لر کبی اونگه ینگی بیر جان بیرری دی . بوبه رویالری نینگ باغ لری دن تازه چیچیک لر تیررایدی . یریم اویغاغ و یرم اوخله گن دوداق آستیدن میرایل له دی  :

ــ سین اوچاغ دنیا گه کوز آچگن یاغیدینگ .

بوبه بو جمله نینگ حالسیز و کوچ سویله دی . سن که ، او اویقی گه بولسه ایدی و بواویقی دن بیر تینچ لیک اونگه قول بیرگن بولسه ایدی و اویقی  بیر گوزه ل تات  بیربیدی .

الله قل ینه باله نینگ ایسیگه کیلدی . اونی کلاشینکوفی ایسیگه کیلدی .  الله قل ده قاچبیدی . آتم کلاشینکوف بیلن اوروش گه کیبتیدی . اونی حبس ایتیلر. کلاشینکوفی نی ده آلگن بولسه لر می.

باله ایستدی که سوره سه ایدی :

ــ بوبه ، آتم نینگ میلتیغی نیمه بولدی؟

گپی ایسیدن چیقدی . بیر آز گپ لشمی توردی . گپی ایسسگه کیلمه دی . انچیق ایندی بیر نرسه سوره مه لی ایدی . باله سوره دی :

بوبه ،  آتم نی کیم اولدیردی؟

بو سوراق اوزی دن اوزیگه باله نی تیلی گه سوو دیک آقیب کیلبیدی . بو سوراق باله نی تیلی گه اوت دیک کوکربیدی . بوبه کیتبیدی . بوبه باله نینگ سیسی نی ایشتی . اویقیسی بوزیلدی . و اوزیگه دیدی :

ــ مینی بو باله سل قیله دی .

و سونگره بیر آز قیمیرده دی . یاغاچ گه بخشی راق ته یماق اوچون اورندی . کلاه سی کوزلری نینگ اوستیگه توشبیدی . بوبه باله گه قرریب و ایتدی :

ــ مین نیمه بیله من . تینگری بیله دی . اوروش گه کیتی . توتقون گه توشدی . حبس بولیب و اوشه ییردن یتیب و یوق بولدی .اوروس لرنینگ وقتی ده . اوروس عسکرلری  کیلبیدیلر .

باله یان باشلری دن توت یغیب و پف پف لب ییدی .

اوروس عسکری ؟ دیب باله سوره دی :

اوروس لر؟  نیمه اوچون کیلبیدیلر؟

بوبه سوزله گن سوزی دن پشیمان ایدی . بیلی ایدی که مندان اچیغ راق و راحت سیز سوال لر

 بارایدی .  برداشتی یاغیدی . بوبه دیدی :

ــ کیلبیدیلر بیزلرنی کافر قیلسه لر ایدی .

و باله سوره دی :

ــ سون  بیز نی کافر قیلدیلر می ؟

هرنرسه دیسنگ  ، او بیراق میس ایدی . خو، سین نیگه اوروس عسکری نی ایسگه کیتیربیدینگ. هر بیر گپ دن گپ تاپیله دی . بوبه یومیلگن و اویقلی  کوزی  بیلن ،  حالسیز و کوچسیز لیلکی بیلن اوزی  گه منت قیلدی . ایندی جواب نی بیر. باله جواب کوتلیدی . بوبه بیرآزجدی راق و یمان لحن بیلن دیدی :

هین ، هین ، کافرقیلدیلر و کیتتیلر، سون ده.

ینه بیر قاله قودوق نینگ جیغری نینگ سیسی قشلاق نی  جیم جریغ لیگنی اویغتدی . سیس دراو اوچتی . بوبه حیران بولدی . بلکه سوو تارماق دن  وازگیچتی می. بلکه قودوق نینگ ارغمچی سی اوزولدی می . بلکه بیر عیال و یا بیرهاریگن  چال اوزی دن کیتی می .

بوبه ینه اوشه رویا و خیال لریگه کیتیدی . باله دن اوزاق بولیدی . باله یاغاچ نینگ یاله سی گه باقیدی .

بوبه اویغیده  تویش کوریی گن . بویوک بیر چول ، بویوک قوم لی چول لر اولوک لردن تولگن ایکن لر . آدم لر نینگ باشی و سویک لری بیلن . هر یانیگه آدم و حوا نینگ سه سیغ  قوقولری . بوبه رویا کوریدی . برچه ییرلرگه قوم لرنینگ ایچیده اولوک لر یاتگن ایکن لر. هرکیم نوبت بیلن کیلیب بیزنینگ توتیب و حبس قیلیب اولدورگن. بوزی دیلر. بو اولوک دن تولیب و تاشگن چول گه باق ، بوقودوق لرگه باق که اولدولریگن کیشی لر دن توله دیر. ای بوبه ، بیز قنچه قرا بخت میز.

بوبه چول ده ، اولوک و سویک لر نینگ ایچیده باله نی کوریدی . باله شوندی قوشیق اوقویرایدی :

ــ قیسی ظالم اوریب تی ، قولاچی سینیب تی . قیسی ظالم اوریب تی ، قولاچی سینیب تی...

و سونگره یوکسک سیس بیرله درسی نی تکرار قیلیدی :

ــ بوبه نان بیردی ، بوبه توت  بیر دی .

                                                * * * * *

بوبه هاولیقیب کیتدی . کوریدی که باله ده  تیلبه بولیبتی و اوشه کیشی لرکبی که باریلیق و یوقلیق نی سیل آلیب کیتگن بولسه و سونگره انگلم سیز و یاوه سوزلر سویله یردی لر او ده سویله یرایدی .

بوبه بیردن کوردی که ایکی ایرکک ، ایکی تیریک نرسه که آدم لرنینگ شمایلی اولرگه بارایدی ،  خوخلیدیلراونی کوچ بیرلن تارتیب تارتیب  آلیب کیتسه لر ایدی . بوبه اولردن قورقمه دی . شو کبی ایدی که ایلگری دن خبری بولسه ایدی و اولر کیلیب اونی  آلیب کیتیدیلر.

باله تمانیگه باقیدی . هی هی ، مینی آلیب کیته دیلر و باله و حلیمه یلغوز قاله دیلر .  کوریدی که باله ده تیلبه لر کبی کولیدی و بوبه نی هیقیرری دی :

ــ بوبه ، بوبه .

چال نی تارتیب تارتیب آلیب کیتیدیلر. چال نینگ کوزلری باله تمانیگه ایدی .اویقی دن اویغندی .

قولاغ سالدی . قوواندی که باله نینگ سیسی یاغیدی . بیر سوال ده یاغیدی . باله یاله گه باقیدی .

باله بوبه بیلن سوزله شیی دی :

ــ بوبه ، کیل باشقه بیر ییرگه کیتی لیک . قنچه توت ییلیک . هر کون توت ، هرکون توت .

اگر باشقه باله لر نینگ آته سی بولمسه و اگر آته  لری  اوروش گه اولگن بولسه لر ایکن ، خو آنه لری که بار. آنه لر باله لریگه نان پیشیره دیلر . حیران باله لریگه بیره دیلر . نان و حیران بیرله قنچه تات لی دیر، بوبه .

باله یاله گه باقررگن سوره دی :

ــ بوبه آنم گه نیمه بولدی ؟

بوبه ینه یاغیدی ،  کیتبیدی :

ــ صنم نینگ آنه سی ، بار سوت  تانه ( اوجیک ، گوساله ) گه سوو بیر . سووس قالیبتدی . مین  سمان  و کیپک هول قیله من . اینک آچ قالبیدی . اونگه  تناون ده  بیده  بیرمیب سن .  ایلک مینگه بیر پیاله  شینی و بیر نان کیتیر که حالسیز و شیمه سیز من . صنم ، صنم .

صنم بوبه نی یگییت قیزی ،  حویلی نی  بیر چیگره سیگه تنادیر نینگ یانیگه تاخته بیدی . نان پیشیریدی . باش و ساچی نینگ بیر قیزیل رومان بیرله باغلگن ایکن . قیزیق تنادیر نینگ باشیده    الوی نینگ ایسیق لیکی دن یوزی و باشی قیپ ـ قیزیل چیچیک کبی بولگن ایدی .

ایسیق بوغدای نان نی  ایسی اوی نینگ هوا سیگه اوره لیب و یایلبیدی . ایسیق  نان لردن حورم چیقیرایدی . بوبه قیزی نی چقیردی :

ــ صنم ، تیز بیر نان کیتیر .

و صنم باشقه بیر خیال گه ایدی . او خیال قیلیدی که آته سی  اوی گه یوق . اوشه ان لر خیالی گه کیلدی که بو سیس آته سی نیکی ایمس ایدی . قیسی خیال گه ایکن ؟ خیالی گه کیلدی که بوسیس باشقه بیر نیکی ایدی . باله لری نینگ کیله جک آته سی نی سیسی .

بیر تانیلمگن کیشی نی سیورایدی ، و اوزینی دایما اونینگ اوچون تمیز و تازه سقلرایدی . بیر کیچه اوز وجودی نینگ اوشه سیوگن کیشی سیگه ارمغان ایترایدی . هین ، هین خیالی قیلبدی که اوشبو ان

اوشه رویا سی  ده گی کیشی اونگه چقیربیدی .

نیچه تامله یاغموریاندیرچی قیزگلی کبی  یناق لری گه سیلینیب کیتدی. شو یاغمورنینگ دانه لری دن یناق لری حظ آلدی . شو کبی ایدی که یاغمور دانه لری اونی اوپیدی . اونی  رویا ده کی سیوگن کیشی سی اوپیدی . آنه  سی نی سیسی پاده خانه دن کیلدی که ییری دن سیکلنیب کیتدی :

  ــ صنم ، پیخلیس قیل که نان لر آق مه  سین .

بیر ترپ وتروپ  سیسی تنادیر نینگ ایچیده بولدی که  کول لر و الوو قوغی  ییربیلن بیردی بولدی .

بیر نان توشگن ایکن . کویدی ، نان نینگ کویغ ایسی  یوکسل دی . صنم دیدی :

ــ هی ، بیر نان کویدی .

آنه که ایشیتی ، هاولیقیب  پاده خانه دن چیقتدی . سمان لی  قوله رینی یتکی گه هرتیب و یوگوریب یوگوریب صنم نینگ تمانیگه کیلیب و ایتدی :

ــ سین که ییرنی اوییگه کیتسنگ ، نیمه قیله جک سن ، تنبل و ایش گه یرمه گن . و بو سوز دن صنم نینگ یوره گی باغ باغ  بولدی . بوبه ینه بغیردی :

ــ صنم،  نان دیدیم .

و باله سوره دی :

ــ بوبه آنم؟

بوبه اویقیدن اوچیب اویغندی . کوزلری نی آچتی . و اوزی گه دییدی:

ــ بیرکون تویش  کوردیم ، بیر کون بو قیشلاق نی برچه ییری الوو بیلن بیر دی بولبیدی .

 کوک دن الوو یاغیدی . برچه یانلردن اوق یاغیدی . تورت بیریان دن ، برچه ییر دن کفتر یاغیدی . برچه ییردن ایمان سیز لیک یاغیدی . اوچقیچ لر بم تشلررایکن لر. اوی لر هوا گه بولک بولک بولیب کیتیدیلر.

هر ییر نینگ تانک لراوق گه توتیبدیلر .

اوشه کون قیشلاقی میز گه قان  قینه یرایدی . هرکیم  هریان دن  قیشلاق لرنینگ اوی لریگه هجوم ایتیدیلر. هرکیم هر اسم بیلن سیل کبی توکیلیدیلر . اورش ایکن و قوش لر قاچیدیلر. هیچ کیم بیربیرنی تانیمس ایدی . اوی لر الووآلیدی . قاچیش گه کوچی بارلر قاچتیلر . قاچیش گه کوچی یتمه گن لر قالدیلر . او کون تینگری اویقیگه ایدی . توبه نعوذبالله ، او کون شیطان میدان نینگ بوش و شغال لی تاپبیدی . شیطان نینگ بیره م می  بارایدی . اوشه کون آدم قیلگن نرسه سیدن ده شیطان حیران بولدی. حیرت بیرله برماقنی تیشله دی . شیطان اوتندی . او کون شیطان اوزیگه دیدی :

ــ یخشی بولبه کن که سجده قیلگنی یاغه گن من .

اول کون ، اولدیردیلر، باغله دیلر، آلیب کیتیلر . حتی که اوی ده کی تووویق لر، موشاک لر و کوچیک لرنینگ ده ضربه قیلیب و اولدیریب کیتیلر . ینگی بالغت یاشیگه یتیشگن قیزگینه لرنی ایاق آستیده یقیلدیلر. باکره لرقان گه توشدیلر . وحشی قول لرقیشلاق نینگ ناموس لریگه اوزه تیلدی . عیال لر و چال لردن ده اوچ آلدیلر . صنم ده ایستکی بیلن قان گه توشدی . آنینگ نی آنه سی ده سوت تانه  سی نی یانیده یقیلیب توشگن ایدی . غیب بولگن اوغلیم نینگ ایتیلگنی نی ده تنادیر ده یاشینتیربیدیم .

او کون ایکی کیشی تیریک قالدیک . مین و سینی آنینگ . مین و کیلینیم ، مین و بیگله گن کیلینیم .

مینی برچه بیلن اوریب و یرم جان قیلیب پادخانه گه تشله دیلر. بیلمس ایدیم که تیرریک قالگن ایکن من . ای کاشکی بوبه ینگ اوشه کون اولسه ایدی . یخشی راق ایدی که آنینگ ده اوشه کون اولسه ایدی .

او کون قان نینگ ایچیده ایاق اوریدیم . باکره کیلینیم نینگ سیسی نی ایشیتیدیم که اونی تنادیر نینگ ایچیدن سمان خانه گه  آلیب کیتبگن لر.  هر بیرسی نوبت گه تاختیب  قرا بخت نینگ  بغیرمه گه مجبور قیلیدیلر . مین قان و تیزیک ایچیده ایاق قول اورویدیم . اینک جان بیرماق گه ایدی و مینگه پناه ایزلیب التجا کوزی بیلن باقرایدی . سن که ، مین دن ایسترایدی که قرا بخت گه یاردم ایتیب و اونی قوتقیزسم اید ی. اول کون تورلی تورلی کیشی لرکیلیب و کیتیلر. بیلمیمن کیم کیم بیلن ایدی .

بیلمی من . برچه سی اوشه بیر ایش نینگ قیلیدیلر . مینی قیشلاق لیک قرا بخت کیلینیم نی بغیری و  اینلر مه سی نی  چیقاردیلر . مین نیمه بیلی که سینی آتینگ کیم دیر؟ سونگره لر قیز بوغاز قالدی .

سین دنیا ده کیلدینگ . مین سینی بویوتیم . اوشه  کونی ، مینی و سینی آنینگ نی عایله سیدن هیچ کیم تیریک قالمدی .

بوبه اویقیدن اوچیب کیتیب اویغندی . اوزگه دیدی :

ــ کوپ یمان تویش  ایدی .

باله تمانیگه هاولیقیب باقدی . قنچه  جیمگینه  اولتیریبتدی . سن که ، مینی توشیم نینگ حکایه سیگه قولاغ سالگن بولسه ایدی . باله یتیم و کیم سه سیز باله لر کبی ییرگه  قرریب قالبیدی . بلکه ده یغلاسه ایدی . بوبه نینگ  پیخسی گه کیلدی که باله ایرکک لرکبی هق هق اوریب یغله یرایدی . بوبه پیخس له دی که باله هرنرسه دن بیلیدی .سن که ، باله بوبه نینگ توشینچه لری  ، خیال لری و تویش لری نینگ اوقوگن بولسه ایدی . بوبه دیدی :

ــ بیر رویا ایدی بالم ، برچه سی بیر رویا .

و بوبه سوزیگه دوام بیردی :

ــ گپ نینگ آرقسیدن یورومه . سبق قینگ نی اوقی. بوبه نان بیردی ، بوبه توت بیردی .

بیر آز توت توپله حلیمه گه آلیب باری لیگ.  ثوابی بار.

  باله اوزگون و بغری قان ایدی . و ینه میده گینه چوب چه سی بیلن ییر نینگ اوستیگه  بیرخط چیزیب و یازیدی :

ــ بوبه نان بیردی ، بوبه توت بیردی .

باله ایکی قبر ده رسم قیلدی و یوره گی گه  دیدی :

ــ بو آنم نی کی ، و بو آتم نی کی .

نانی نینگ کیسه سیدن چیقاردی . و یوره گی ده  ایتدی :

ــ آته سین ده یی ، آنه سین ده یی .

و ارپه نان نینگ بولکی نی قبرلرگه یقین قیلدی . باله بیر آغیز نان تیشله دی .

باله قبرلرگه کوز تاقبیدی . بوبه اونگه حیران ایدی . بوبه یوره گی ده  دیدی :

ــ بو باله نیمه ایش قیله دی؟

و باله بوبه نینگ تمانیگه باقیب و دیدی :

ــ بوبه ، قارینیم آغری دی .

و بوبه دیدی :

ــ حلیمه گه توت توپله ، ساغه له سن .

باله ییردن توردی . تیرلی و کیرلی کلاه سی نینگ باشیدن چیقاردی . توت دانه لری گه قره دی . حلیمه تیلبه ایسیده کیلدی. توت آلیب بارسم قووانه دی. سونگره توت لرنینگ کلاه سینی ایچیده تشله دی . بیر قودوق نینگ قوروق چغیر نینگ  سیسی  قشلاق نی چرت تی نی بوزیب کیتدی . کلاه توت دن تولبیدی . باله دیدی :

ــ کلاه تولدی .

و بوبه که توشینچه ده باتیب کیتبیدی ، دیدی :

ــ یتر. ایندی درس سینگ نی اوقی ، بیزآز کیین راق کیته بیز .

باله اولتیردی . یانیگه کلاه سینی  قویدی . ییرنی یوزیگه یازدی :

ــ بوبه نان بیردی ، بوبه توت بیردی .

الله قل باله نی ایسیگه کیلدی . الله قل نینگ کلاشینکوفی ایسیگه کیلدی . اوریندی که الله قل نینگ کلاشینکوفی نی  رسمی نی تارته سه ایدی . بیرخط لرتارتی . کلاشینکوف گه اوخشه گن بیر نرسه تارتدی . ینه بیر قاله حلیمه تیلبه نینگ سیسی  قیشلاق نی سووگه باتیریب کیتدی . یرم جان لیک قیشلاق اوتمه دن اولدی . باله توت توله کلاه گه باقدی . یوره گی قوواندی که ایندی بولر نینگ حلیمه جیندی گه آلیب باره دی . باله نی ایسیگه کیلدی که توت نان سیز تات بیرمیدی . حلیمه دیوانه نینگ نانی یاغیدی . نانی نی کیسه سیدن چیقاریب  و توت نینگ اوستیده قویدی .

باله بو ایشی دن خوش بولدی . و یوره گی ده دیدی :

ــ نان وتوت .

بوبه بیر آه تارتیب و افکارلی دنیا سی دن چیقیب و دیدی :

ــ هلی گه چه دوامی بار، هلی گه چه ده ...

و باله گه باقدی که تیرناغی نی کلا ه سی نینگ ایچیده قویبیدی . بوبه حیران بولیب و یوره گی گه دیدی :

ــ بو باله نیمه ایش قیله دی؟

بوبه سوره دی :

ــ نیمه ایش قیله سن؟

و باله جواب بیردی :

ــ نانم نی حلیمه تیلبه گه آلیب کیته من ، توت و نان یسین .

چال بیر زهرلی و اچیق تبسم دوداق یگه کیتیردی . سیسی نی  یغلایش ایتکی له دی و دیدی :

ــ توت و نان .

بوبه یغله دی . یاش لری نی کلاه سی بیلن اریتدی .  یوره گیده دیدی :

ــ باله نیمه بیله دی . او دینا دن خبر سیز دیر. حلیمه ده بیلمیدی . او ده دنیا دن خبرسیز دیر . باله جان حلیمه آنینگ دیر، آنینگ.  آنینگ گه توت و نان یلته سن .

بوبه یاش لی کوزلری بیلن کوک گه باقدی . آه ینه ، او اوزاق ییرلر دن ، یقیلگن و رنگ و روخی کیتگن  گومبیز لرنینگ و یرم قوروق و توپراق اورگن  یاغاچ لرنینگ آرقه سیدن بیر بوران و توزچنگ لی  بیر توپراق لیک  نیک یلانی کبی هوا گه کوته ریلدی . اوز چیگره سیگه ایله نیب  دولنیب  یوکسک و یوکسک بولیدی . بوبه دیدی :

ــ جن لر اوینیدیلر، جن لرنینگ چاغی دیر.

حلیمه نینگ بغیری و انیلر مه  سیسی اوزاق لردن کیلیدی . بوبه بیلیدی که حلیمه خواخلیدی که ارغمچی لر نی اوسه ایدی . باله  بوران و چنگ شمالی دن ، جن لرنینگ اوینیدی ده خبر سیز ایدی و بوبه نینگ ده گپ نی ایشیتگنی یاغیدی . باله الله قل نینگ کلاشینکوف میلتیغی نی رسم ینی تارتیرایدی و قیشلاق سووسیزلیک دن و یاندیرچی ایسیق دن کوییدی . قیشلاق داد اوریدی :

ــ سوو ، سوو ، سوو.

و یاغمورنینگ سیسی ایسیدن چیقمس ایدی . چال بیلیدی که اریق لر سووسیزلیک دن  اولگن ایدی و دریا آتی نی اونیتبیدی . و باله تویغو ایترایدی که کلاشینکوف نینگ ارمان نی یوز ییل گه چه ده یوره گی دن تشقری چیقمس ایدی .

                        

                                                         سون.

 

 

 

یازووچی : قادر مرادی                                          اوزگروچی : ذاکر عمری

1377 قویاش ییلی .                                              19.09.2007 میلادی ییلی .