گلنار نینگ سوغاتی سی

 

 باشقه چاپیشگه برداش و چیدمی قالگنی یوق ایدی. بیرسآی ( آدیر ـ تیپه) نینگ یتگیده اولتیردی.

 نفسی یانبیدی و فیش فیش اوریب هلتیل له یرایدی.  یوزو باشی دن تیر آقرایدی.

آغیزی قوروبیدی و قول ــ ایاغی قیلتیرله یرایدی. کوزلری نی یومدی تا بیر آن تینچ بولسه و اوشه بو وقت اوزی گه دییدی :

ــ اگر اوق بیلن هم اورسه لر، کیین گه قیتمی من. الوم حق دیر و آدم بیر قاله اوله دی. اگرتیریک چیلیک شوندای بولسه، بو مینگه کیریک ایمس. اوزاق بیر یول نینگ چاپیب و آرقه گه قویبیدی.

تانگ چاغی که هوا بیر آز یاغتی بولبیدی، یوره گ نی دریا گه اوریب و اوزی نی اوشه بولگه دن اوزاق لش تیردی. کوزلری نی آچدی. تیرلری نی ارتی. تیگره ده گی سآی لر گه باقدی.

قویاش کوته ریلیب و تیپه نینگ ینگی اوسگن اوت لریگه ینگی جان بیررایدی. قویاش نینگ جان بیروچی ایسیق لیگنی خوش له دی. سآی لر نینگ تینچ فضاسی دن و یم یشیل لیگیدن خوشی گیلدی.

 یورگیده خدا خدا دییدی که اولر آرقه سی دن ایشیتیب گیلمه سین لر و او بو ییرده چیرچه گن لیگینی آلسه ایدی ، شو پیت یوره گیده ایتیدی:

ــ تغین آرقم دن گیله دیلر.

اونی تیتره یش و قلتیریش بیراقمس ایدی. اویله دی اوشه وقت ایشیتیبدی که عسکرلیک یونیفورم نی جانی دن چیقاریب و اوزاق آتیش کیرک. سونگره ینگلیل بولیب و یخشیراق یول ده یورویاله سن. باشقه کیرک ایمس ایدی که بو عسکرلیک کییم جانی ده بولسه ایدی. کییم لر نینگ تنی دن چیقاردی. عسکرلیک کییم نینگ ته یدن بیر کویلیک ــ ایشتان کیبیدی که آلتی آی آلدین آنه سی یبربیدی. اوزی بیرله کیتیگن بالاپوش نینگ ده اوستیدن کیدی. عسکرلیک البسه لری نی اوزاق گه چیپ تیریب دی. کویلیگی گه باقدی. کویلگی نی کوک رکیده آق سندی ایپلر بیلن خامک تیگیلگن ایکن. شو چاغ ده خاله سی نینگ قیزی  « گلنار» ایسیگه توشدی ، آنه سی نی ده سوزلری ایسیگه گیلدی که ایتبیدی :

ــ گلنار نینگ سین گه آله میز، گلنار...

بو سوز نی ایشیتگن چاغیده یوره گی تیتره بیدی.  بیر اینیقسه قوانچ  تنی نی اوریب آلبیدی و اولیقیب آنه سی نی یانیدن قاچبیدی. اونینگ اوته نیشی دن آنه و قیزقرین داشی کولبیدیلر. سونگره لری اگر بیر کیشی نی تیلیدن  گلنار نی آتی نی ایشیتسه ایدی، یوره گی تیتره یرایدی. رنگی ا نار رنگی  کبی بولیدی. اونگه  بیر ایسیق تویغو که اوتنمه و حیا بیره اره لش گن ایدی  قول بیریدی.

گلنار نینگ سرمه لی کوزلری، اوزون اوزون قره کیپریک لری، سیخی اوریگن گوزل ساچ لری و آپاق آپاق گینه انارچیچیک لی و یا گل لیک کره لر کوزی نی قرشی سیگه یارقین لیک ساچیلرایدی. برچه ییر فندق دن تولیدی.انار نینگ فندق لری نی و دانه لری نی کوریدی. بیر قیزیق و یاقیم لی تویغو باشدن ایاغی گه قدر اوریب آلبیدی. اوشه خامک تیگیلگن کویلک ده گلنارنینگ هدیه و ارمغانی ایدی. گلنار نینگ سوغاتی سی. اوشه چاغ که بیر کیشی گلنار نینگ خامک تیگیشنی اوویب و مخته سه ایدی، اونی یوره گی باغ باغ بولیب و اونگه یاقررایدی. اوزییگه قوانیدی که او قلبی ده بار. قیشلاقی و آته سی نی انار باغچه سی ایسیگه گیلدی، بیلمس ایدی اوییرده قیسی یول دن کیتسه ایدی؟ یوره گی قیشلاقی اوچون اوریدی. کوزی نی آلدیگه انار یاغچ لری، باغچه نینگ فندق لری و انار نینگ  قره و تینیق سوولیک دانه لری کورینیدی. ینه بیر قاله ایسیگه گلنار نینگ اوزون قره کیپریک لری، سرمه لی و حیالی کوزلری، قره و گوزل اوزون سیخی اوریلگن ساچ لری وانار گل لیک آپاق قولی ده گی کره لری کیلرایدیلر. اوییگه کیتالمس ایدی. ایسکی دن بیری  قیشلاق اولوسی عسکرلیک دن قاچیش نی بیر کتته آر و عیب سنه یرایدیلر. اگرکیتسه ایدی، برچه اولوس اونی عسکر قاچاقی دییدیلر. بو کتره و کنایه لرنینگ چیدایلمس ایدی  و یوره گیده دییدی :

ــ یوق ، یوق ، اویگه کیتمیی من.

اما گلنار، قیلامس ایدی اوندن اوتسه ایدی. چونکه اونی سیورایدی. برچه بیلیدی که اونی سیورایدی. هر قاله که اونی کورسه ایدی، اوز ایاق لری دن باشقه ایکی ایاق هم قرض و بورچ آلیب و قاچیدی.

آنه و قیزقرین داشی کولیدیلر. گلنار نینگ یناق لری حیا دن قیپ قیزیل بولرایدیلر. گلنار ده قاچیدی و اوزی نی کوز لردن یتیریب یاشینیدی و سونگره بولسه دیوارنینگ گینی دن، یاغچ لرنینگ آرقه سیدن و یا ده تام لر نینگ اوستیده بیربیروگه باقرایدیلر. بیر قورقونچ گمان و وسوسه یوره گینی ییری دن قمیرده تی. یان و باشیگه آولیقیب قره دی. اوزی بیرله کیتیگن ملتیغ گه، دره لرگه و تیپه لرگه قره دی. بو قوپ قوروق و بوش دره لرگه میلتیغی دن باشقه بیر یاردم بیروچی یوق ایدی. شو میلتیغ گه بوتون اوموت لری نی باغله بیدی. بیرگه سی گه قوطی لر توله اوق (مرمی) کیتیربیدی و شو اوق لردی بالاپوشی نینگ کیسه لریگه بوشه تی. سنه دی که قنچه اوقی بار، اوزی بیرله  دیدی :

ــ بیر ساعت قیله له من که اوروش گه ته ینسم.

یوره گی ایسته دی تورویب و یولگه توشسه ایدی. لحظه لرنینگ اوتیشی بیرله پریشان لیگی کوپه یی دی. کوزی نی اونگیگه تاش لر، توپراق لیک تیپه لر، اوز باش اوسگن اوت لر قورقونچ لی کورینیرایدیلر.

کیله جکی نی قارنغو و قرا کوریدی. اویله دی که حیاتی الوم گه کوپ یوایقلیب تی. قیلگن ایشی دن یوره گی ده بیر الوم لی قورقوش یول تاپتی. شو آن اوزی دن سوره دی:

ــ نیمه قیله دیلر؟ اولدیره دیلرمی؟

و اوزی اوزیگه جواب بیردی :

ــ اولدویرسین لر، اولدورسین لر. تسلیم بولمیی من. اگر تیریک چیلیک شوندای بولسه، بو مینگه کیرک ایمس.

ناس قوطی سی نی چیقاریب و بیرکپه ناس تیلی نی التیگه تاشله دی. قول لری نی باشی نی آرقه سیگه یلستیغ قیلیب و چورت گه باتیب کیتی. چرچگن لیگی آز آز آزه لر ایدی. تویغو ایتردی که ینگی بیرجان تنی گه یول تاپیدی. باشی دن اوتگن نرسه لر ایسیگه توشیدیلر.اونگه بو اوتگن حیاتی یاقتی.

او بیر له چر و جیلچی آدم ایدی. اونی ینه ده اولوس یخشی کوریدی. باله لرگه دفعه لر چه ایتبدی:

ــ هر کون که عسکرلیک باشیم گه یمان تیدیمی، قویبه ریب و قاچه من. اگر عسکرلیک شوندای بولسه، مین گه کیرک ایمس.

ایندی اوشه کون ایشیتیب کیلبیدی. یوره گی خواخله مس ایدی عسکرلیک دی قویبرسه ایدی. اما قویبه ریشگه مجبور بولبیدی. بیر آن دن یاقیملی و یخشی کوره یاتگان آرزولری نی یقیلگن تاپتی.

حیاتی نی برچه نرسه سینی ایاق ته یگه بولگن تاپیب آلدی. خی، نیمه قیلسین ایدی؟

اونگه باشقه بیر یول قالگنی یوق ایدی و فقط گینه شو قالبیدی که برچه نرسه نی ایاغی نی آرقه سیگه اوریب و بیر بیلی سیز و مجهول قدرنی آرقه سیدن کیتسه ایدی.

ایسیگه عسکرلیک کونلرکیلدیلر. عسکرلیک قشله سیده گوزل، تاتلی و یوره گ یاوقوچی کونلردی  اوتگیزبیدی. او گون لرنینگ هر بیر آنی بیر دنیا متل دیک بولگن ایدی و دوام لی شو چورت گه ایدی که عسکرلیک نی توگیت گنی دن سونگره، بو برچه متل لرنی گلنارگه قیلسه ایدی:

ــ گلنار، هی گلناریم، کاشکی یانیم گه بولسینگ ایدینگ و کورسینگ ایدینگ که مین قندای بیر الوغ  کیشی بولبیدیم!

هین ، هین ، او مکتب نی یریم و چله قویبربیدی، اما ینه ده عسکرلیک درس لری نی تیزاورگنیدی و هر پوله که باشقه لر لیاقتی دن  مخته سه لرایدی، یوره گی قوانچ دن تولیب و تاشرایدی. گلنار نی ایسیگه توشیدی. یوره گیده دییدی:

ــ باق گلنار، باق.

ایسیگه کیلدی که بیر یمان و ته لیکه لی ییرده دیر. آولیقیب تیگره سیگه قره دی. تیپه لرگه باقدی.

 کیم سه یوق ایدی. حتا که چوپان لر و قوزی لر ده  کورینمس ایدیلر. بوتون ییرلرگه بیر اینیقسه تینچلیک و سیس سیز باتیب کیتبدی. تیپه لرنینگ جیم جیرینگ لیگی و بوش لیگی یوره گیده گی قورقوشنی کوپی تیریدی. اورنی دن توریب و میلتیغ نی آلیب و دییدی:

ــ کیته من، هرنرسه بولسه بولسین.

سیگین سیگین یولگه توشدی. ینه بیرقاله اوتگن نرسه لر میه سیگه هجوم ایتیلر. عسکرلیک گه سوق بولگن دیک اونی دافع هوا( کوک یوزی دن دفاع قیلیش ــ  سه ونماق) قطعه سیگه سوق بیرگن ایدیلر. او بیلمس ایدی  که دافع هوا، نیمه دیمک؟ اونگه دیبیدیلر:

ــ دشمن نینگ اوچقوچ و یا اوچاق لری نی ماشین لی میلتیغ بیره اوریب و توشوره سن.

اونگه بو گپ یاقبدی. اوشه آن یوره گیگه بیر بویوگ سیس لر و هیجان قورولدی. اوشه آن گلنار ایسیگه کیلدی. بیر اینیقسه ذوق تنی نی تولدیربیدی. اوچقوچ لرنظریگه کیلیدیلر. کوک اوچاق لربیله توله ایدی که گورویلیب اوچیدیلر. تاغ لرگه و قیشلاق لرده گی  اوی لرگه بم تاشله یرلرایدیلر. اوزی نی کوک دن دفاغ قیلوچی اوتوماتیک میلتیغ نی آرقسیگه تاپدی. اوچقوچ لر نینگ آرقه آرقه اوریب و توشوریدی. اوچاق لر چومچوق کبی ییرگه توشیدیلرو او قووانیب و هیجان لی بولیب دییدی:

ــ هی، گلنار باق، اوچاق لرنی باق، اوچاق لرنی...

عسکرلیک قشله سی ده بیر گوزل یشیم نی باشله بیدی. کوپ قوانیدی که کوک دن دفاع ایتماق مسلک نی اورگنیدی. اما بو بخت لیک لیگی و موتلی لیگی کوپ وقت سورمه دیلر. بیرآز گینه وقت دن سونگره برچه نرسه اوزگردی. او هم اوزگردی. حتا اوزی بیله ایشانمه دی که بو بخت لیک لرنی قندای تیز قول دن بیرگنی ممکن بولگن ایکن. ایسیگه کیلدی که اونگه بیر کون بیراچیغ خبرکیتیربیدیلر:

ــ بو ییر ده تبدیل بولدیک.

بو گپ بیر تاش کبی یوره گیگه تیدی و سونگره اوزگون بولیب سوره بیدی:

ــ قه یرگه؟

ــ پیاده قطعه سی گه؟

ــ پیاده قطعه سی گه می؟

بو خبر اونی اوشه عاشق کیشی گه اوخشیتبیدی که اینگ یخشی کوره یاتگان سوگلی سی نی قول دن بیرگن بولسه ایدی،آولیقیب قالدی و قیلرایشی نی بیلمه دی.آغیزی و تاماغی قورودیلر. قلتیریب دییدی:

ــ نیگه، نیگه؟

یگیت و باتور عسکرلرچرت لی و توشنچه لی ایدیلر. کیم سه جواب بیرمه دی. ینه سوره دی:

ــ ایتینگ لر،  نیمه اوچون تبدیل بولدیک؟

یگیت عسکرلر سیس لری نی چیقارمی و سوس بیدیلر. اونگه کوزلری نی تیگیب و دقت لی دقت لی باقرایدیلر. باقیش لری دن بیلی بولیدی که بیر گپ یوره گ لریگه بار و قیلامس ایدیلرکه  ایتسه لرایدی.  او ایندی بولسه اوشه ایسکی کیشی ایمس ایکن. بیر یقیلمیش گورش چی گه اوخشیرایدی که بیرینچی قاله ییرگه یقلیب و بیر کنج ده قیغولی اولتیریب و کیمی لری باتگن دیک اویلوگه باتیب کتبیدی.

یوره گ بیروچی رویالری قرا لنیب و قرانغو بول بیدیلر. بیراچیغ گیچه اوتگن حیاتی دن ایسیگه کیلدی. اوشه گیچه دافع هوا ماشین لی ملتیغی نی اوستیگه نوبتچی ایدی. گیچه نینگ قرانغولیگده دوداغنی ته یده بیرنرسه نی میرمیرلیب اوقیب و اوز رویا عالمی گه قولاچ و قنات اوریدی. اوزی نی هوادن سه وانمه اوتوماتیک میلتیغ نینگ آرقه سیده کوریدی. اوچقوچ لرنی بیربیرته کوک دن تیریدی. اوزینی کوردی که یوزلرچه عسکرلرنی اونگیده تاختیبدی. عمومی قوماندان بوینیگه گل تشلرایدی. باشقه لر القیش (کف زدن) اوریدیلر و شو پیت یوره گی دییدی:

ــ هی گلنار قیرگه سن، کور که مین قیردن قیرلرگه ایتیشدیم.

اوشل گیچه شو توش کوریش لری نی ایچیده باتبیدی که بیرآن کوزی چراغ لرگه توشدی که دافع هوا نینگ قرشی سیده گی تیپه لرگه توشبیدیلر. شوندای بیر منظره ایدی که بیر قطار موترتورگن بولسه و چراغ لری ده یانیب و تورگن بولسه لر.  مراخ له نیب تیگره سیده کی چراغ لر تمانیده باقدی. یوره گی ده دییدی:

ــ بولمه سین که دشمن کیلگن بولسه.

 یوره گیده بیرقورقوش سریلیب و اوره لیب یول تاپدی. میلتیغی نی حاضر له دی. اما بیرآن سونگره بیکلنمس   بیر حادثه بیرله دوچ کیلدی. اونگه دییلر:

ــ سلاح ینگنی تاپشیر.

ــ نیگه؟

ــ امر دیر.

ــ نیمه بیلن پهره قیلیک؟

جواب بیردیلر:

ــ تیاق بیلن.

بو سوز اونگه یاقمه دی. قرشی ده گی کیشی غضب له نیب و بغیریب دییدی:

ــ ایتیم تاپشیر، امردیر امر!

اوشه گیچه میلتیغی نی آلبیدیلر. برچه میلتیغ لرنی عسکرلردن آلبیدیلر. برچه حیران ایدیلر. برچه نی اچیغی کیلبیدی. دیناسی نی قیغولی قره بولوت لر و نفرت اوریب آلبیدی و اولر دن سوره دی:

ــ شوروی لر، شوروی لر، نیمه اوچون کیلیبدیلر؟

جواب بیردیلر:

ــ یاردم اوچون.

یوره گیده نفرت قینه دی و تنی اوفگه و خشم دن تیتره دی . نیمه دیشی نی بیلمه دی.

شو حادثه دن سونگره دایما اوزاق دن دافع هوا سآی گه باقرایدی. او ییرده بیر قیزیل بیرق کوریدی. تانک لر و توپ لردی کوریدی. خیالی گه کیلیدی که اوییرده ، تیریک چیلیگی، قیشلاغی، اویی، آته ـ آنه سی، قیز و ایرکک قرین داش لری،انار باغچه سی و گلنار و بوتون تاتلی آرزو و ارمان لری کومیلیب یاتیب دیلر. کوزلریگه یاش هینه لیب و قیغوبیره دییدی:

ــ یته دی. اگر عسکرلیک شوندای بولسه، مینگه کیرک ایمس.

 

                                                   * * *

بیراوزاق و اوزون یول نی یوروبیدی. قویاش باتماق چاغیده ایدی. تویغو ایتی که باشقه ایاق لری گه یورویش کوچی و شیمه سی قالمیبتی. تا قچان گه چه یول گه یورویه جکی نی بیلمس ایدی. هرقنچا ایلگری کیتیدی یول لر تاش ، تیگان و سآی ایدی. هاریلیب قالبیدی ، ایاق لری قوشیب قوشیب قالیدیلر. ینه بیر قاله قرارآلدی تا بیرنیچه لحظه دم آلسین. بیردن بیر قتیغ سیس ییردن سیلکین لتتی. بیر مرمی سرعت بیرلن یان باشی دن بیزیلیب اوتی. اوزی نی آولیقیب ییرگه آتی. بیرنیچه اوق هوا دن باشی نی اوستیدن اوتی لر. سرعت بیرله میلتیغی نی حاضرله دی و یوره گیده دییدی:

ــ سن که ایشیتیب کیلدیلر.

 اوق لر کیلا یاتگان تمانگه سیگین و سیس سیز باقتی. یقین ییرلرگه هیچ کیم نی کورمه دی.

 بیرآن دن بیر آدیرگه انیق باقدی. اوشبو اوزاق لرگه آدیرنینگ باشگه بیرنرسه لر کورینیدیلر. تانک لر و توپ لر کبی نرسه لر ایدی که اوست لریگه قیزیل بیرق لرتولقینیب کورینیدیلر. اوق لر اوشه تمان دن کیلیدیلر. بیلدی که بیر یمان وضعیت و دوروم گه دوچ کیلیبتی. قوتولیشی اوچون آزگینه اوموت هم  یوق ایدی. اویله دی که باشقه اولرنینگ قولی دن قوتولیشی یوق. حیران بولدی. نیمه ایش قیلیشی نی بیلمس ایدی.

اونی اوق بیلن آماج و هدف گه آلبیدیلر. باشی نی کوترسه ایدی اوریدیلر، هین ، هین اوریدیلر. کوردی قولی دن ده بیر ایش توزیلمس ایدی. اوییرگه قدر میلتیغی نی اوقی ده ایشتمس ایدی. اونگه  میلتیغی ده هیچ بیر یاردم بیرلمس ایدی. ییری دن توریب خیزلیب و یوگوریب چاپیش گه باشله دی.

اوق لر آرقه سیدن ایتیشدیلر. ینه بیر قاله اوزی نی ییرگه آتتی. باشی نی اوستی دن اوق لر ویزلیب اوتیدی واوشبو وقت اوزی اوزیگه دییدی:

ــ دافع هوا اوقی بیرله اوره دیلر.

و یندی ده اوزبیرله قرار آلدی و دییدی:

ــ هر نرسه بولسه، بولسین، آرقه گه قیتمی من. الوم حق دیر. آدم بیرقاله اوله دی. اگر تیرچیلیک شوندای بولسه، مینگه کیرک ایمس. تسلیم بولمیی من. اولیگیم نی  تسلیم آلسه لر یخشیراق دیر.

ینه ده توردی، چاپتی. ییرگه یقیلدی.  ینه توردی، ینه ده چاپدی. اوق لر سرعت بیرله اونی تعقیب ایتیدیلر. ینه ده قتیغ ییرگه یقیلدی. بیریمان و آغیر آغری نی کوک سیگه  تویغو ایتی. آولیقیب قولی نی کوک رک نی اوستنی آلیب باردی و کوردی که اوق ییبتی. گلنارنینگ اونگه ساغوتی بیرگن گل لی خامک تیکگن کویلگنی کوک رک یده قان قینه یرایدی. چیچیک لی خامک تیکیلگن کویلک نی آق سندی ایپ لری قیپ قیزیل بولدیلر. آق سندی چیچیک لر قان بیرله بیردیک بولبیدیلر.اناررنگ کبی. باشی هنیلدی.

کوزلری نی قرانغولیک باسدی. بیرسیس  یوره گیگه طنین تاشله دی:

ــ کیین قیتمیی من، کیین قیتمیی من.

اوزیگه ینه بیر حرکت بیردی. ییری دن توریب و ایکی ــ اوچ ادیم چاپتی. مرمی لر آرقه سیدن کیلیدیلر. بو دفعه بیر ینگیل نرسه کبی هوا گه اوچیب و قتیغ راق ییرگه تیدی. بیر آغیر و اولدوروچی آغری تننی اوره یب آلدی. اوشه قرا و بوزرنگ لیک تاغ گه قویاش ده سرعت بیرله هینه لیب و باتیب کیتی. کوک آق بولدی. بوتون کوک آق سندی ایپ بیره تیکیلگن گل لربیلن تول دیلر. کوزی نی اونگیده انار باغچه سی هینه لیش گه باشله دی. گلنار بیر یاله گه آسیلیب قالبیدی. قول لری بوش ایدی. کره لری یوق بولبیدیلر. یامغیر یاغیش گه باشله دی. قان یامغیری و سینگن کره لر یاغیدیلر. کوزی نی اونگیده انارباغچه سی کیلدی. انارلر یاله لرگه یوق بولبیدیلر. انارلر قره قره بولبیدیلر.

یاغچ لر کویب و قره بولبیدیلر. آته سی نظری گه کیلدی، آنه سی نظری گه کیلدی. قیزقرین داشی نظری گه کیلدی، یتی یاش لیک اوکه گینه سی نی کوردی. خاله سی نی قیزی نی کوردی. برچه لری قاچیدیلر، آولیقیب و عجله بیرله چاپیدیلر. بیل لری  باغلنگن ایدی. قول لری گه میلتیغ باریدی.

آته سه بغیریدی:

ــ انارنینگ باغچه سی آلاو آلدی.

بوتون آدیرلر، تاغلر آدم لردن تولیب  تاشبیدیلر. مینگ لرچه آدم و برچه لری آته سی ، آنه سی ، قیزقرین داشی، اوکه سی و گلنارکبی ایدیلر. چاپیپ چاپیپ کیلیدیلر، جیرقیریدیلر و جیرقیریش سیس لری قوغگه کیلیدی:

ــ بیزیم باغچه میز، بیزیم باغچه میز!

قیزقرین داشی بوریلیب یغلیب و دییدی:

ــ گلنار، گلنار...

باغچه لر کوییدیلر. هر ییر گه انار باغچه سی ایدی. فندق لر اوزیلیب وتوکیلی دیلر. پارتنه لری نینگ دودی و کولی جیندی بولبیدیلر. تیپه لر، تیپه لر آدم دن تولبیدیلر. برچه لرده میلتیغی باریدی. اوشه   کیشی لر آته سی، آنه سی، قیزو ایرکک قرین داش لری و گلنارکبی ایدیلر. برچه لری خشم لی ایدیلر. برچه لر خشم لی شوندای بغیریدیلر:

ــ اگر تیریک چیلیک شوندای بولسه، بیزگه کیرک ایمس، بو تیرچیلیک بیزلرگه کیرک ایمس!

بیرآن دن برچه نرسه، انارباغچه سی، یاغچ لر، آدم لر و دریا لر دود و کول نینگ ایچیده باتی لر.

برچه ییر اوزیگه  بوزرنگی آلدی. برچه ییردود رنگی بولدی. کول لر اولوغ تاغ کبی ییردن اوزیلی دیلر. هواگه دود لرهجوم ایتیلر. برچه ییرنی بولوت قپیپ آلدی. قره بولوت لر.

دنیا نی وحشی و تیلبه پارتنه لر، تومن لرو کول لریوتتی. برچه نرسه کول و دود نینگ ایچیگه یتیب کیتی. برچه ییر بوز رنگی بولدی، دود رنگی بولدی. او باشقه بیر سیس چیقارمدی، باشقه نرسه نی تویغو ایتمدی.

                                                                 ( سون )

 

یازوچی :    قادر مرادی           1358 قویاش ییلی.

اوزگروچی: ذاکر عمری          17.12.2007 عیسوی ییلی، هامبورگ.