Listo de rekomenditaj vortaroj, leksikonoj, terminaroj

La bona lingvo: Simplaj samsignifaj vortoj - enkonduko

"Jen provo redoni iom malsimplajn vortojn en Esperanto per pli simplaj. Esperanto estas lingvo kun krea povo, do uzu ĝin kree! Esprimu vin nuance, komprenige, ne per sensukaj piednotendaj vortaĵoj. Gustumu ĉi tie la potencon de la simplaj vortoj anstataŭ la proponojn de komplikantoj."

Reta vortaro: Reta vortaro 

" Reta Vortaro estas esperanta vortaro, do verko, kiu registras la uzatajn vortojn de la lingvo Esperanto kun ties signifoj. Ĉe Revo ne temas pri pure traduka aŭ difina vortaro, sed pri difina vortaro kun tradukoj, t.e la vortoj estas difinitaj per mallonga frazo en Esperanto, sed ankaŭ aperas ekvivalentaj vortoj de aliaj lingvoj. Revo krome donas ekzemplojn de uzo, fontojn de la vortoj kaj tezaŭrajn informojn, t.e. rilatoj inter la vortoj."

Komputada leksikono (KompLeks): KompLeks 

 "La verko entenas 2649 komputadajn terminojn en Esperanto kun difinoj kaj klarigoj en tiu lingvo. Precipe atentitaj estas la bazaj nocioj de teoria komputoscienco, diskreta matematiko, programado, personaj komputiloj, surtabla tipografio. Laŭeble la programada temaro estas prezentita en Paskalo (esperantigita Pascal), kaj la verko entenas priskribon de ĉiuj nocioj de tiu programlingvo."

Komputeko:   Komputeko 

"Komputeko (mallongigo de "Prikomputila terminokolekto") estas reta projekto de E@I, kiu celas kunigi la pri-komputilajn terminojn de diversaj vortaroj kaj terminaroj. La ĉefa celo estas plifaciligi la aliron al kaj la komparon inter la diversaj vortaroj, kaj tiel stimuli ĝustan lingvouzon kaj kontraŭi la uzadon de (ofte fuŝa formo de) usonangla termino."